Qo’ytosh

Qo’ytosh — Jizzax viloyati G’allaorol tumanidagi shaharcha (1942 yildan). Tuman markazi va yaqin temir yo’l stantsiyasi (G’allaorol shahri)dan 35 kilometr. Aholisi 5,5 ming kishi (2005). 3 umumiy ta’lim maktabi, sanoat korxonalari, qurilish tashkilotlari, avtokorxona, savdo, madaniy va maishiy xizmat ko’rsatish shoxobchalari bor. Madaniyat uyi, kutubxona, stadion, kasalxona, tug’ruqxona, poliklinika, dorixona aholiga xizmat ko’rsatadi. Qo’ytosh — G’allaorol yo’nalishida avtobuslar va marshrutli taksilar qatnaydi.