Bir ishga kirishishdan oldin chiqishni o’ylab qo’y.
Chin do’st uldirki, do’stidan hech qachon ranjimaydi, agar ranjisa ham, uzrini qabul qiladi.
Tajribamda ko’rilgankim, azmi qat’iy, tadbirkor, xushyor, jang ko’rgan, mard, shijoatli bir kishi mingta tadbirsiz, loqayd kishidan yaxshiroqdir. Chunki tajribali bir kishi ming kishiga ish buyuradur.
Yuz ming otliq askar qilolmagan ishni bir to’g’ri tabir bilan amalga oshirish mumkin.
Biror ishni bajarishni o’ylasam butun zehnim, vujudim bilan bog’lanib, bitirmagunimcha undan qo’limni tortmadum. Har neki desam unga o’zim amal qildum.
Yaxshilarga yaxshilik qildim, yomonlarini esa o’z yomonliklariga tobshurdum.
Hokimlaru sipohdan qay birining xalqqa jabr-zulm yetkazganini eshitsam, ularga nisbatan darhol adolatu insof yuzasidan chora ko’rdum.
Ochiq yuzlilik, rahm-shafqat bilan xalqni o’zimga rom qildim. Adolat bilan ish yuritib, jabr-zulmdan uzoqroq bo’lishga intildim.
Davlatu saltanat uch narsa: mulk, xazina va lashkar bilan tikdur.
Erlik ishida ahdni sindurmoq ravo yo’qtur va ahdni sindurg’on kishini er (kishi) desa bo’lmas.
Hukmdor ishni shu yo’sunda olib borsunki, toki u adolat, haqiqat, hukmdorlik zaruriyatlari va ra’iyatparvarlik uchun kafolat bo’la olsun; uning qoidalariga shundaay bir tarzda amal qilsunki, toki u olamning obodligi va basharning tinch-totuvligi bilan yakun topsun.
Himmatni baland tutmak kerak, ko’ngulni xudoga bag’ishlamak kerak, to hazrati Alloh har ishda madadkor bo’lg’ay.