Valiant

Ma’nosi

Valiant — ertagi serhosil shaftoli navi. Vatani Amerika. Daraxti o’rtacha kattalikda. O’zidan changlanadi. Mevasi yirik (140-170 gramm), dumaloq-tuxumsimon, rangi to’q sariq. Pustila siyrak nozik tuklari bor. Eti xushbo’y, sarg’imtir, shirali, danak atrofi qizg’ish, shirin. Eti danagidan yaxshi ajraladi. Danagi yirik. Ko’chati ekilganidan keyin 2-3-yildan hosil qiladi, 5-6-yili to’liq hosilga kiradi. Hosildorligi yuqori (160-170 ts/ga). Boshqa rayonlashtirilgan navlarga qaraganda sovuqqa va kasalliklarga chidami yuqori. Aprel boshlarida gullaydi. Mevasi iyulda pishadi. Mevasi yangiligigida yeyiladi, sharbatlar, jem va boshqalar tayyorlanadi. O’zbekistonning hamma viloyatlari uchun tavsiya etilgan.

O‘xshash so‘zlar

V harfi: barcha so‘zlar