YOQUBOV OSMON

YOQUBOV OSMON (1911.21.8, hozirgi Shahrixon tumani — 1944.22.6, Vitebsk viloyati), Belorussiya — 2-jahon urushi qatnashchisi. 1941 yil dekabrdan armiyada; 1942 yil yanvardan frontda. 201 gvardiyachi o’qchi polki (1-Boltiqbo’yi fronti 6gvardiyachi armiyaning 67-gvardiyachi o’qchi diviziyasi) avtomatchisi. Yoqubov Vitebsk viloyatining Sirojino tumanidagi Orexi qishlog’ida bo’lgan janglarda jasorat ko’rsatib, shu jangda halok bo’lgan. 1944 yil 23 iyulda (vafotidan so’ng) qahramon unvoni berilgan. Andijondagi o’zi o’qigan 22-maktabga Yoqubov nomi berilgan.