YORUG’LIKNING SOCHILISHI

YORUG’LIKNING SOCHILISHI muhitda tarqalayotgan yorug’lik dastasining mumkin bo’lgan barcha yo’nalishlarda og’ishi. Muhitning har xil jinsliligi va yorug’likning modda zarralari bilan o’zaro ta’siri yorug’likning sochilishiga sabab bo’ladi. Bunda yorug’likning intensivligi, spektri va qutblanishi o’zgaradi. Yorug’likning sochilishi asosida molekulalar, suyukliklar va hokazolarning tuzilishi o’rganiladi. Yorug’likning Reley sochilishi (Reley qonuni), yorug’likning molekulyar sochilishi, yorug’likning kombinasion sochilishi va boshqa xillari mavjud. Yorug’likning sochilishi hodisasidan fizika, kimyo va texnikaning turli sohalarida, turli-tuman tadqiqotlarda keng foydalaniladi. Yorug’likning sochilishi spektri yordamida moddalarning atom va molekulyar xarakteristikalari, ularning elastiklik, relaksasion va boshqa doimiylari aniqlanadi. Zarralarning o’lchamlari va shakllarini aniqlashning ko’pgina usullari Yorug’likning sochilishi hodisasiga asoslangan. Lazer spektroskopiya asosida yorug’likning majburiy sochilish jarayoni yotadi va undan lazerlarsa keng foydalaniladi.