ZOOXORIYA

ZOOXORIYA (Zoo… va Yunoncha choreo — tarqataman) — o’simliklar mevasi, urug’i, sporasi va boshqalarning hayvonlar yordamida tarqalishi. Zooxoriya bir necha xilga bo’linadi: epizooxoriya — meva va urug’larning hayvonlar tanasi sirtiga yopishib tarqalishi; endozooxoriya — o’simliklar mevasi va urug’ini hayvonlar eganida ularning ekskrementi orqali tarqalishi; sinzooxoriya — meva va urug’larning qishda oziq to’playdigan hayvonlar orqali tarqalishi; mirmekozooxoriya — meva va urug’larning chumolilar orqali tarqalishi; sinzooxoriyaning bir xili. Meva va urug’larning tuzilishida Zooxoriyaning muayyan usuliga moslanishi paydo bo’ladi. Masalan, epizooxoriyada meva urug’lar sirti yopishqoq modda yoki turli xil ilmoqchalar bilan qoplangan; endozooxoriyada mevalar etli va sersuv bo’ladi.