Buyuk davlatchilik shovinizmi

Buyuk davlatchilik shovinizmi-ko’p millatli mamlakatlarda tarixiy taraqqiyot jarayonida davlatda yetakchi mavqeni egallagan, o’z millatini “oliy” millat deb e’lon qilgan hukmron millat mafkurasi va siyosati, shovinizm va millatchilikning bir turi. Milliy va ko’p millatli davlatlar hamda mustamlaka imperiyalari tashkil topayotgan davrda vujudga kelgan. Hukmron “buyuk” millatlar siyosati boshqa millat va elatlarni asoratga solish, ayovsiz ishlatish, iqtisodiy, siyosiy va madaniy sohalarda kamsitish qaratilgan. Masalan, Rossiya imperiyasida yashovchi mazlum xalqlarga, jumladan, Turkiston xalqlariga nisbatan, Buyuk davlatchilik shovinizmiga asoslangan siyosat amalga oshirildi, ularning qadimgi madaniyati, ma’naviyati, ilm-ma’rifati, dini va urf-odatlari oyoq osti qilindi. Sho’rolar zamonida mazkur siyosati turli mafkuraviy usullar bilan, masalan, “baynalmilallik” Shiori ostida davom ettirildi.