Bo'lim: D harfiga oid iqtisodiy ensiklopedik atamalar

DEPOZIT FOIZI – mablag’ qo’yuvchining pulidan foydalangani uchun unga bank tomonidan to’lanadigan to’lov, ya’ni narx.

DEPONENT (lot. depono – yig’aman) – korxona, tashkilot, muassasa yoki jismoniy shaxsning korxona, tashkilot, muassasada vaqtincha saqlayotgan mablag’i. Deponentlangan summa shaxslarning talabi bilan beriladi yoki boshqa bir korxona va tashkilotlarga … Read More

DEPONENTLASHTIRISH – pul mablag’lari, qimmatli qog’ozlar va boshqa boyliklarni kredit tashkilotlariga saqlash uchun topshirish; xodimlarning o‘z vaqtida olinmagan ish haqlarining pul mablag’lari qoldig’ini kredit muassasalariga topshirish.

DEPOZIT – 1. Banklarga saqlash uchun topshirilgan pul mablag’lari yoki qimmatli qog’ozlar. 2. Qarzdor kreditorga berib yuborish uchun sud muassasasiga ajratadigan pul summasi yoki qimmatli qog’oz.

DEPO HISOB -VARAG’IDAN KO’CHIRMA – deponentning qimmatli qog’ozlarga bo’Igan huquqlarini tasdiqlaydigan, investitsiya vositachisi va (yoki) qimmatli qog’ozlar markaziy depozitariyasi tomonidan beriladigan hujjat.

DEPO HISOB-VARAG’I – deponentning qimmatli qog’ozlarini saqlash va qimmatli qog’ozlarga bo’Igan huquqlarni hisobga olish uchun mo’ljallangan, investitsiya vositachisi va qimmatli qog’ozlar markaziy depozitariyasining hisobga olish registrlaridagi yozuvlar yig’indisi.

DEPARTAMENT – l. Fransiyada asosiy ma’muriyhududiybirlik. 2. AQSHda ba’zi vazirliklar nomi. Masalan: Davlat departamenti. 3. Ba’zi davlatlarda va O’zbekistonda vazirliklarning, hukumat muassasalarining bo’limlari.

DENONSATSIYA -1. Shartnomadan voz kechish. Agar sug’urta munosabatlarida tomonlardan biri yozma ravishda shartnomadan voz kechishi to’g’risida ikkinchi tomonga ma’Ium qilmasa, shartnoma unda ko’rsatilgan muddatgacha kuchda bo’ ladi. 2. Biror davlat … Read More

DENOMINATSIYA – eski pul birligini yangisiga almashtirish bilan milliy pul birligini mustahkamlash.

DENATSIONALIZATSIYA – 1. Davlatga o’tgan mulkni yana o’z xususiy egasiga qaytarish. 2. Milliy xususiyatlarni, shu jumladan, madaniyatni, tilni va shu kabilarni yo’qotish.