Bo'lim: I harfiga oid qurilish atamalari

Ishqorlilik – 1) biror narsaning ishqor bilan to’yinganlik darajasi; 2) suvning kislotalanishga qarshi turish xususiyati.

Ishqorli – ishqor tarkibli; ishqoriy, ishqorga xos, ularga xos xususiyat; ishqor bilan ta’sir qiladi.

Ishqorbardosh (Ishqorbardoshlik) – kimyoviy bardoshlilik turi, ishqorlar suvli eritmalarining halokatli ta’siriga bardosh beradigan material xususiyati.

Ishqorlash – ivish, barqarorlashtirish va boshqa jarayonlarda suvning ishqoriyligini oshirish uchun suvga ishqor qo’shish orqali suvdagi vodorod ionlari kontsentratsiyasini tartibga solish.

Ishqalangan – siqilgan, qisilgan; silliq chok.

Ishqor – o’simliklarning alohida (yantoq kabi) turlarini yig’ib, quritib, kuydirib tayyorlanadigan kul. Sirkor bezaklarda bo’yoqqa aralashtirib ishlatiladi.

Ishqalab maydalamoq – 1) oxirigacha yoki hammasini maydalash; ishqalanish natijasida maydalash; 2) mayda donachalarga, kukunga aylantirish; maydalash, ishqalash.

Ishga tushirish tugmasi – bosilganda biror narsani ishga tushirishga, ishga solishga olib keluvchi tugma.

Ishga tushiriluvchi majmua – asosiy va yordamchi vazifasidagi ob’yektlar guruhi; quvvat, transport va omborxona xo’jaligi, aloqa, maydon ichi muhandislik kommunikatsiyalari, obodonlashtirish va qurilishning bir qismi yoki navbati hisoblanadigan boshqa ob’yektlar … Batafsil

Ishga solish (ishga tushirish, topshirish) – harakatlantirish momenti. Masalan: foydalanishga topshirish, masofadan ishga tushirish, isitish tarmog’ini ishga solish va hokazolar.