Karnallit

Karnallit (nemis kon muhandisi R.Karnall nomidan) — xloridlar kichik sinfiga mansub mineral. Kimyoviy formulasi KMgCl3 • 6N2O. Tarkibida magniy (8,7%), kaliy (14,1%), xlor (38,3%), suv (38,9%) hamda ozroq tseziy, rubidiy, galliy (0,01% gacha) va brom (0,2% gacha) bor. Romb singoniyali. Sof Karnallitning kristallari shaffof, qizil, sariq, pushti va qo’ng’ir rangli. Shishadek yaltiroq, qattiqligi 2,5. Zichligi 1600 kg/m3. K kuchli gigroskopik, havo namidan parchalanadi. Hosil bo’lishi xemogen. Karnallit Tepaqo’rg’on (O’zbekiston), Solikamsk, Kaluga (RF), Shtasfurt (Germaniya), Gugurttog’, Karluq (Turkmaniston)dagi tuz konlarida bor. O’g’it sifatida, namakoblari fotografiya va tibbiyotda ishlatiladi.