Abu Sa’d Idrisiy

Abu Sa’d Idrisiy – hadis ilmining yetuk namoyondalaridan biri. Bag’dod, Marv, Nishopur, Jurjon, Buxoro, Shosh, Kushoniya, Dabusiya va Isfijob singari shaharlarda hofiz-muhaddislardan hadis ilmini o’rganib, hadis rivoyati uchun rasman ruxsat olgan. Hadis ilmini o’rganishda Movarounnahrda Abdulhasan Ali ibn Umar Doraquniy, Yahyo Abdulloh ibn Muhammad Samarqandiy, Abu Solih Xalaf ibn Muhammad Xayyom Buxoriy, Husayn ibn Qatoda Shoshiy, Abu Tabib Rayhon ibn Muhammad Ustrushoniy kabi allomalar unga rahnamolik qilgan. Umrining aksariyat qismini Astrobodda o’tkazib, mazkur shahar allomalari haqida “Tarixi Astrobod” (“Astrobod tarixi”) nomli asar yozgan. “Kitob  ul-kamol” (“Komillik kitobi”) asariga muxtasar ham bitgan.