Bo'lim: M harfiga oid pedagogikaga oid ensiklopedik atamalar

Moyillik-yangi bilimlarni o’zlashtirish natijasida ta’lim oluvchi o’zining fikrlash usulini qayta qurishni boshlashi uchun boshqalarning fikr va tushunchalarini anglash.

Modulli o’qitish-o’qitishning izchil tizim asosida amalga oshiriladigan turi.

Modul to’plami-pedagogik texnologiyani uning biror darajasidan boshlab tasvirlash maqsadida bitta modul sifatida shakllangan bir nechta modullar yig’indisi.

Modulli texnologiya-ta’lim jarayonini modular (o’quv predmeti va uning bo’limlari mazmunini tartibga solish, ta’limning muayyan bosqichidan boshlab bo’linmaydigan kasbiy faoliyatni mantiqan tugallangan qismlarga ajratish) asosida loyihalashtirilgan tizim.

Modulli ta’lim-modullashtirilgan o’quv dasturi asosida tashkillashtiriladigan o’qitish jarayoni.

Modul daraja-pedagogik texnologiyani tasvirlash ko’lamiga muvofiq ravishda tanlangan birlamchi modullarning o’z tarkibi qancha modullardan iboratligini ifodalovchi ko’rsatkich.

Modul-1) o’quv materiali yoki ta’lim mazmunini o’zaro uyg’unlashtirilgan namunasi; 2) o’quv axborotining mantiqiy bo’lakka bo’lingan qismi, ushbu qism mantiqan yaxlit va tugallangan bo’lib, uning o’zlashtirilishini nazorat qilish mumkin bo’ladi; 3) … Batafsil

Modifikatsiya-ko’rinish, tur yoki yangiliklar asosida takomillashtirish.

Modetnizatsiya-pedagogik ta’lim jarayoni va pedagogika fanini davr talablari asosida yangilash.

Modellashtirish-o’quv materiallari yoki ta’lim mazmunini yaxlit tizimga keltirish.