Qurbonov Akobir Sobirovich

Qurbonov Akobir Sobirovich (1975.29.7, Buxoro tumani) — sportchi, «O’zbekiston iftixori» (1999). Sobir Qurbonovning o’g’li. Sambo bo’yicha 74 va 82 kilogramm vazn toifalarida O’zbekiston (1995-2005), Osiyo (1995, Bishkek; 1997, Ulan-Bator; 1998, Toshkent; 1999, Singapur; 2004, Uralsk) va jahon (1995, Sofiya) chempioni, jahon kubogi g’olibi (1997, Kstova; 2003, Uralsk). Kurash bo’yicha 73 kilogramm vazn toifasida O’zbekiston (1999) va jahon (1999) chempioni. Qurbonov O’zbekiston Respublikasi ichki ishlar vazirligi akademiyasini tugatgan (1996). 1996 yildan shu akademiyaning jismoniy tayyorgarlik kafedrasida katta o’qituvchi.