Bo'lim: J harfiga oid geografiyaga oid ensiklopedik atamalar

Jo`na, jun – uzunasiga cho`zilib ketgan balandlik tepa, qir, suvayirg`ich. Geografik nomlar tarkibida ham uchraydi. Masalan, Jo`nariq.

Jo`ybor – kanal, daryo, ariq, ba’zan ariq bo`yidagi joylar; tarixiy manbalarda, xususan vaqfnomalarda ko`p uchraydi.

Jimbuloq – buloq ko`zi bilan suvli qatlam sathi teng bo`lgan, suv suvli qatlam jinslari orasidan sizib chiqadigan buloq. Bunday buloqlar ko`pincha sizot suvlar tarqalgan yerlarda bo`ladi.

Jim – daryolar o`zanining suv sekin oqadigan chuqur qismlari.

Jilg`a – qor-yomg`ir suvlaridan hamda buloqlardan paydo bo`lgan oqar suv, kichik soy. O`rta Osiyoda ko`pchilik jilg`alar yozda surib qoladi.

Jang`oq – notekis, pasti-baland, o`r-qir yer. Suv, shamol eroziyasi natijasida hosil bo`ladi.

Jiltir muz – yut. Qishda kun ilib, qor erib, uning ketidan sovuq kelishi natijasida hosil bo`ladi. Ho`l qor muz bo`lib qotadi. Yaylovdagi chorva uchun juda xavfli.

Jar-julg`a – yer yuzasini ko`pdan-ko`p jarlar unqir-cho`nqir qilib yuborgan joy; tilingan yer; buzuq yer. O`rta Osiyoda tog` oldi lyoss tekisliklarida ko`p uchraydi.

Jilg`a – qor, yomg`ir suvlaridan hamda buloqlardan paydo bo`lgan oqar suvlar – ular birlashib daryo bo`ladi.

Jo`sha – qizil gil (kesak). Kulolchilikda muhim xom ashyo hisoblanadi. Sopol idishlarga qizil rang yoki naqsh berishda qo`llaniladi. Buning uchun idish suvda suyultirilgan jo`shaga chayib olinadi yoki suyuqlik bilan unga … Read More