Bo'lim: S harfiga oid biologiyaga oid ensiklopedik atamalar

Sekretlar (o’simliklarda), ajratilgan moddalar – o’simlikdagi ajratuvchi hujayralar tomonidan ishlab chiqariladigan va o’simlik tanasida qoladigan suyuqlik – shiralar.

Selluloza – glukoza qoldiqlaridan tashkil topgan uglevod. O’simlik hujayrasining qobig’i asosan sellulozadan tashkil topgan.

Sekretor hujayralar, ajratuvchi hujayralar – har xil suyuqlik va efir moddalar ishlab chiqaruvchi bezlarning hujayralari.

Sekret, ajratma, shira – odam va hayvon organizmidagi maxsus bezlar ishlab chiqarib, ajratadigan moddalar. Organizmning me’yorli hayot faoliyatida muhim ahamiyatga ega. U ichki (gormonlar) va tashqi sekretlarga bo’linadi. Bularga fermentlar, … Read More

Sekretsiya, shira ajratish – hujayralar, asosan, bez hujayralarining moddalar ajratib chiqarish jarayoni.

Sayg’oq, oqquyruq – quvushshoxlilar oilasiga mansub sut emizuvchi hayvon. Cho’l va dasht zonalarida yashaydi. Mo’g’iliston, G’arbiy Xitoy, Qozog’iston va O’rta Osiyoda keng tarqalgan. O’zbekistonda ruxsat bilan ovlanadi.

Sayt, mutatsiya o’rni – mutatsiya yoki rekombinatsiyaning eng kichik birligi. DNKdagi bir juft nukleotidga teng. Nuqtali mutatsiyadagi gen o’rnini belgilaydi.

Saxaroza – shakarqamish yoki qandlavlagi shakari. Disaxaridlar guruhiga mansub bo’lib, glukoza va fruktozadan tashkil topgan. O’simliklar dunyosida juda keng tarqalgan.

Saxaromitsetlar – achitqi zamburug’lar turkumi. Tabiatda keng tarqalgan bo’lib, non pishirish, pivo tayyorlash va boshqa maqsadlarda keng qo’llaniladi.

Saxaraza – invertaza, saxarozani gidroliz qiluvchi ferment.