Bo'lim: U harfiga oid geografiyaga oid ensiklopedik atamalar

Uchma– tog` yo`li, jar yoqasi, qulab tushadigan chuqur jarlik.

Uzboy – qurib qolgan o`zan.

Ushuk sovuq – kuzda, erta bahorda bo`lib turadigan sovuq. Ushuk sovuq ekinlarga ko`pincha zarar keltiradi. Bunday sovuq urishi ushuk urish deb ham yuritiladi.

Ustyurt (ustirt) – qozoq va qoraqalpoqlarda atrofdagi joylardan baland usti tekis yerlar, yassi qirlar. Ustyurt nomi ham shu atamadan olingan.

Uran rudalari – tarkibida ajratib olish iqtisodiy jihatdan maqsadga muvofiq miqdorda uran bo`lgan mineral birikmalar. Tabiatda 100 dan ortiq uranli mineral ma’lum, shulardan 12 tasi amaliy ahamiyatga ega. Bulardan eng … Batafsil

Ungur – g`or, tog` qoyalari orasidagi yoriqlar. Turkiston, Nurota, Chotqol tog`larida keng kalta g`orlar ungur deyiladi.

Unitar davlat (fransuzcha unitayre-yagona) – o`zini-o`zi idora qiladigan qismlarga bo`linmagan, yagona qonunlari va yagona markaziy hokimiyat organlariga ega bo`lgan yaxlit davlat.

Uval– yokbarri siya, bora-bora tevarak-atrofdagi tekislikka qo`shilib ketadigan yassi qirlar. Uvalning nisbiy balandligi 200 metrdan oshmaydi.

Urochishe- tabiiy landshaftning morfologik birligi. Urochishe o`z navbatida, eng kichik morfologik birlik bo`lmish fatsiyalardan tashkil topadi. Urochishelar landshaft fonida biror muhim tabiiy belgisi bilan alohida ajralib turadi. Masalan, dasht yoki … Batafsil

Undiruvchi sanoat – xilma-xil xom ashyo va yoqilg`i undirish, qazib chiqarish bilan shug`ullanadigan ishlab chiqarish sohasi. Kon sanoati, yog`och tayyorlash, baliq ovlash, ovchilik va boshqalar undiruvchi sanoatning asosiy tarmoqlaridir.