Qatlama

Ma’nosi

Qatlama — oddiy xamirdan yupqa yoyib, yog’da pishiriladigan taom. Boshqa shu kabi pishiriklardan qatlamligi bilan ajralib turadi. Qatlama tayyorlash uchun suv va tuz qo’shib oddiy xamir qoriladi, kattaroq zuvalalar uzib, o’rab, 10-12 minut tindirib qo’yiladi. So’ngra har bir zuvala o’qlog’i bilan yupqa (1-2 millimetr) qilib yoyiladi va yoymaga qaymoq yoki sariyog’, maska yog’i, eritilgan qo’y yog’idan surtilib, ruletsimon o’raladi, undan 5-6 santimetrli bo’laklar kesiladi. Bo’laklar Jo’vada alohida-alohida 0,5—1 santimetr qalinlikda yoyiladi, qizdirilgan qozonda yoki tovada atrofiga yog’surtib, avval bir tomoni, so’ngra ikkinchi tomoni qizartirib pishiriladi. Ba’zan pishgan Qatlamaning yuziga ta’bga ko’ra shakar yoki qand upasi sepiladi.

O‘xshash so‘zlar

Q harfi: barcha so‘zlar