Ruminlar

Ma’nosi

Ruminlar (o’zlarini — romanlar deb atashadi; lotincha romanus — «Rimlik» dan) — xalq, Ruminiyaning asosiy aholisi (20,55 million kishi). Umumiy soni 21 million kishi (1990-yillar o’rtalari), jumladan, Rossiya Federatsiyasida 6 mingga yaqin kishi. Rumin tilida so’zlashadi. Dindorlari — asosan, pravoslavlar. Rumin xalqining shakllanishida sobiq Qadimgi Rim imperiyasining provintsiyalari (viloyatlari) Dakiya va Myoziyada yashagan va Rim hukmronligi davrida (106-271 yillar) romanlashgan kabilalar (Dakiyaliklar, getlar va boshqalar), shuningdek, romanlashmagan erkin dakiyaliklar va 6-asrdan slavyanlar qatnashganlar. 10-asrdan Vizantiya, slavyan, so’ngra Venger tarixiy manbalarida Ruminlar «vlaxlar», «voloxlar» nomi bilan qayd etilgan. 1862 yil yagona Ruminiya davlati barpo etilgan. Axrlisining asosiy qismi qishloq xo’jalik va sanoat korxonalarida band.

O‘xshash so‘zlar

R harfi: barcha so‘zlar